Çempionlar Liqasında daha dörd komanda pley-offda görüşüb

26.02.2020 09:57 230 İdman

Çempionlar Liqasında 1/8 final mərhələsinin iki oyunu keçirilib.

FAN.AZ xəbər verir ki, daha dörd komanda pley-offda ilk görüşünə çıxıb.

İtaliyada “Napoli” “Barselona”nı qəbul edib. Cütün favoriti sayılan ispanlar ilk hissədə geri düşmələrinə baxmayaraq, fasilədən sonra status-kvonu bərpa ediblər. Bununla "Barselona" səfərdə sərfəli bərabərliyə nail olub.

Digər qarşılaşma İngiltərədə baş tutub. Qeyri-sabit mövsüm keçirən “Çelsi” “Bavariya” ilə üz-üzə gəlib. Turnirin qalibi olmağa əsas namizədlər sırasında göstərilən almanlar ikinci hissədə vurduqları 3 qol sayəsində Londondan vacib qələbə ilə dönüblər. Serj Qnabrinin 4 dəqiqə ərzində dublu və Robert Levandovskinin qolu Münhen təmsilçisinə cavab görüşü öncəsi böyük üstünlük qazandırıb.

Qeyd edək ki, 1/8 finalın ilk oyunlarına fevralın 26-da baş tutacaq iki matçla yekun vurulacaq.

Çempionlar Liqası
1/8 final, ilk oyunlar
25 fevral

00:00. “Napoli” (İtaliya) – “Barselona” (İspaniya) - 1:1
Mertens, 30 - Qrizmann, 57
Baş hakim: Feliks Brix (Almaniya)
Neapol. “San Paolo” stadionu

00:00. “Çelsi” (İngiltərə) – “Bavariya” (Almaniya) - 0:3
Qrabri, 51, 54, Levandovski, 76
Baş hakim: Klemen Turpin (Fransa)
London. “Stemford Bric” stadionu

FAN.AZ

Oxşar xəbərlər

Xəbər lenti