Su Məcəlləsinə dəyişiklik edilir - Prezident Qanunu təsdiqlədi

13.09.2019 21:47 128 Siyasət

Prezident İlham Əliyev Azərbaycan Respublikasının Su Məcəlləsində dəyişiklik edilməsi haqqında Qanunu təsdiqləyib.

Fan.Az Modern.az-a istinadən xəbər verir ki, dəyişikliyə əsasən, Məcəllənin 1. 18-ci maddəsinin 1.1. birinci hissənin onuncu abzasına "qaydalarını" sözündən sonra, sudan istifadəyə görə güzəşt və azadolmaları" sözləri əlavə edilir;

Həmçinin, "Sudan istifadəyə görə güzəşt və azadolmalar yalnız təbii su mənbələrindən aşağıdakı məqsədlərlə götürülən suya görə tətbiq edilir" məzmunda ikinci hissə əlavə edilir:

- müvafiq icra hakimiyyəti orqanının müəyyən etdiyi orqanın (qurumun) emal edilməmiş su ilə təmin edilməsi;

- müvafiq icra hakimiyyəti orqanının müəyyən etdiyi orqan (qurum) tərəfindən içməli su təchizatı;

- müvafiq icra hakimiyyəti orqanının müəyyən etdiyi orqan (qurum) tərəfindən elektrik enerjisinin istehsalı üçün sudan istifadə edilməsi.

  1. 44-cü maddənin birinci hissəsinin yeddinci abzasından "sudan istifadəyə və" sözləri çıxarılır və həmin hissəyə aşağıdakı məzmunda səkkizinci abzas əlavə edilir:

"bu Məcəllənin 18-ci maddəsinin ikinci hissəsinin tələbləri nəzərə alınmaqla, sudan istifadəyə görə haqq ödənilmədikdə;".

  1. 80-ci maddə üzrə:

4.1. birinci hissəyə "su obyektlərindən" sözlərindən sonra "tələb olunan həcmdə və ödənişsiz" sözləri əlavə edilir;

4.2. aşağıdakı məzmunda ikinci hissə əlavə edilir:

"Yanğından mühafizə ehtiyacları üçün götürülmüş sudan və bu suyun saxlanıldığı obyektlərdən təyinatdankənar istifadə edilməsi qadağandır.".

  1. 96-cı maddənin birinci hissəsinin ikinci abzasına "sudan" sözündən, üçüncü abzasına "su obyektlərindən" sözlərindən əvvəl "bu Məcəllənin 18-ci maddəsinin ikinci hissəsinin tələbləri nəzərə alınmaqla," sözləri əlavə edilir.
  2. 97-ci maddənin birinci hissəsində "Məcəllə ilə nəzərdə tutulmuş hallar istisna olmaqla" sözləri "Məcəllənin 18-ci maddəsinin ikinci hissəsinin tələbləri nəzərə alınmaqla," sözləri ilə əvəz edilir.
  3. 98-ci maddənin üçüncü hissəsi ləğv edilir.

Fan.Az

Oxşar xəbərlər

Xəbər lenti