Türkiyəli rok ulduzu Azərbaycanda konsert vermək istəyir - Xeyriyyə məqsədilə Foto

01.10.2019 19:37 223 Şou-biznes

Türkiyənin məşhur rok ulduzu Haluk Levent Azərbaycanın aidiyyəti dövlət qurumlarına müraciət edib.

Sənətçi bu barədə özünün "Tvitter" səhifəsində məlumat paylaşıb.

Haluk Levent sosial mediada xərçəng xəstəliyindən əziyyət çəkən 22 yaşlı Sura Nadirovaya kömək məqsədilə kampaniya başladıb:

"22 yaşlı Sura Nadirova qan xərçəngi xəstəliyindən əziyyət çəkir. O, Türkiyə vətəndaşı olmadığı üçün burada yaşayış icazəsi yoxdur. Suranın sağalması üçün 400 min TL-yə (120 min manat) ehtiyacı var.

Azərbaycan dövlətinin səlahiyyətli şəxslərinə səslənirəm. Bilirəm ki, Bakıda dinləyicilərim çoxdur. Təşkil etsinlər, gəlib Bakıda konsert verim. Toplanan pul Sura üçün xərclənsin", - deyə sənətçi qeyd edib.

71312282_497946184116712_3110805784124981248_n.jpg (20 KB)

Fan.Az

Oxşar xəbərlər

Xəbər lenti